النهارده واحده صحبتي اوي بتحكيلي عن طفلين من قرايبها
واحد حوالي 3 سنين والتاني سنه واحده والكبير شادد الصغير من رقبته وشغال عاملو ممسحه البيت لحد مخدو بالهم
أكيد شعور صدمه
سعتها قلتلها ده هين
يعني أنا يوسف حبيب قلب ماما مره جاب لعبو كلها وحطها على اختو نورسين البايبي بنت شهرين بس
وقبل كده كان عايز يلونها عنيها زييه لان لون عينينها موش نفس لون عينيه
أزاي وازاي بقة
التعامل مع الاطفال صعب جدا بصراحه
بس الاصعب انك تتفرج على معامله طفل كبير مع طفل صغنتوت واخد الدلع
بيبقى زي معامله تويتي وسلفيستر الكارتون الشهير
الاتنين ميطقوش بعض
وكل واحد يدبر للتاني مكايد
ده عن نفسي بيرهقني جسديا
من كتر الجري ورا يوسف يعني وعيني اللي بحاول تكون ف قفايا عشان ميعملش حاجه لاختو
انا قريت كتاب في علم نفس النمو بيقول ان الغيره بين الابناء الاطفال
حاجه طبيعيه
كان نفسي اسألو بصراحه واللي يوسف بيعملو في نورسين ده حاجه طبيعية؟!!
انا طبعا مقدرش احب حد اكتر من حد :)
بس مرهق اوي ان الام تشوف عيل من عيالها مفتري على التاني
سـ صلاح ـارا
هههههههههه دا الطبيعي :))
ردحذف